ອີຣານ ປະກາດຈະຊ້ອມຮົບຮ່ວມ ກັບ ຣັດເຊຍ ແລະ ຈີນ ໃນໄວໆນີ້
ອີງຕາມສຳນັກຂ່າວຕາສ ຣັດເຊຍ (TASS) ລາຍງານວ່າ: ອີຣານ ມີແຜນຈະດຳເນີນການຊ້ອມຮົບຮ່ວມທາງທະເລກັບຣັດເຊຍ ແລະ ຈີນ
ກ່ອນໝົດເດືອນ ມີນາ 2024 ນີ້. ຕາມຂ່າວລາຍງານໃຫ້ຮູ້ວ່າ: ທ່ານ ຊາຣາມ ອີຣານີ (Shahram Irani) ຜູ້ບັນຊາການກອງທັບເຮືອອີຣານ
ໄດ້ປະກາດວ່າ: ກອງທັບຕົນ ພ້ອມກັບຣັດເຊຍ ແລະ ຈີນ ຈະພ້ອມກັນຊ້ອມຮົບຮ່ວມຄັ້ງໃຫຍ່ຢູ່ທະເລກ່ອນທ້າຍເດືອນມີນາຢ່າງແນ່ນອນ.
ການຊ້ອມຮົບດັ່ງກ່າວ, ແມ່ນເພື່ອແນໃສ່ຮັບປະກັນຄວາມປອດໄພຂອງພາກພື້ນ ແລະ ເພື່ອຜົນປະໂຫຍດລວມຂອງຝ່າຍທີ່ເຂົ້າຮ່ວມ.
ຜູ້ບັນຊາການກອງທັບອີຣານ ກ່າວອີກວ່າ: ການຊ້ອມຮົບເປັນການເພີ່ມທະວີຄວາມປອດໄພໃຫ້ແກ່ການເຄື່ອນໄຫວທາງທະເລ, ຕ້ານໂຈນສະ
ລັດ ລັດປຸ້ນສະດົມ ແລະ ກໍ່ການຮ້າຍ. ໃນເດືອນມີນາ ປີຜ່ານມາ, ອີຣານ, ຣັດເຊຍ ແລະ ຈີນ ໄດ້ດຳເນີນການຊ້ອມຮົບສາມຝ່າຍທີ່ເອີ້ນວ່າ,
ສາຍຮັດຄວາມໝັ້ນຄົງທາງທະເລຢູ່ທະເລອາຣັບ.
ພາຍຫຼັງການຊ້ອມຮົບດັ່ງກ່າວ, ກອງ ທັບເຮືອພາກເໜືອຂອງຣັດເຊຍໄດ້ເປີດເຜີຍວ່າ, ບັນດາຜູ້ເຂົ້າຮ່ວມໄດ້ປະຕິບັດໜ້າທີ່ເປັນກຳລັງ
ເຝິກຊ້ອມພາຍໃຕ້ຄຳສັ່ງຕ່າງໆ, ເຫັນວ່າການຊ້ອມຮົບຄັ້ງນີ້ໄດ້ປະຕິບັດການບຸກໂຈມຕີບັນດາເປົ້າໝາຍຢູ່ທະເລໃນຕອນກາງເວັນ ແລະ ບຸກ
ໂຈມຕີບັນດາເປົ້າໝາຍທາງອາກາດໃນຕອນກາງຄືນ. ນອກນີ້, ການຊ້ອມຮົບຍັງມີກຳປັ່ນຊ່ວຍເຫຼືອຕົວປະກັນຖືກຈັບ ແລະ ຊ່ວຍ ເຫຼືອກຳ
ປັ່ນທີ່ປະສົບອຸບັດເຫດຢູ່ກາງທະເລ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/02/2024